رامسلفد گفت در شهر دوشنبه گفت آمریکا برای مبارزه با تروریسم وقاچاق مواد مخدر به تاجیکستان کمک می کند

دانالد رامسفلد، وزیر دفاع آمریکا، بعد از ملاقات با امام‌علی رحمان‌اف، رئیس حکومت تاجیکستان، به خبرنگاران گفت همکاری دو کشور و امنیت منطقه، از جمله افغانستان در این دیدار مورد بررسی قرار گرفت. وی گفت تاجیکستان و آمریکا همکاران قدرتمندی در مبارزه علیه تروریسم و برقراری صلح و ثبات در افغانستان شده‌اند. وی گفت هنگامی که برای بار نخست به تاجیکستان رفت، در کابل، گروه طالبان حکم می‌راندند و آن کشور را به پایگاه القاعده تبدیل کرده بودند اما امروز شاهد آن هستیم که دیگر طالبان در سر قدرت افغانستان نیستند. رامسفلد از تلاش تاجیکستان برای مبارزه با تروریسم سپاس‌گذاری کرد و گفت آمریکا تصمیم دارد همکاری‌های خود با تاجیکستان را گسترش بدهد. به گفته رامسفلد، آمریکا برای تقویت نیروهای مرزبان، و مبارزه با قاچاق مواد مخدر در مرز افغانستان، به تاجیکستان کمک خواهد کرد.