مقام‌های روسیه می‌گویند مسکو به رغم، به تعبیر آنها، «سیاست‌زدگی» صندوق بین‌المللی پول، همچنان عضو این نهاد باقی خواهد ماند.
به گزارش خبرگزاری ایتارتاس، مقام‌های روسیه صندوق بین‌المللی پول را متهم می‌کنند که با انگیزه‌های «سیاسی» قوانین خود را تغییر داده است. به گفته مسکو، این تغییر برای جلوگیری از بازپرداخت وام دریافتی اوکراین از روسیه بوده است.
«آنتون سیلوآنوف»، وزیر دارایی روسیه، در نشستی خبری در مسکو تصمیم کشورش برای حفظ عضویت در صندوق بین‌المللی پول را با توجه به شرایط اقتصادی جهان «بسیار مهم و ضروری» توصیف کرد.
صندوق بین‌المللی پول می‌گوید تغییر قوانین این نهاد برای حمایت از اوکراین در برابر روسیه نبوده و از سال ۲۰۱۳ میلادی چنین تغییراتی را در دستور کار داشته است.