پاپ بندیکت شانزدهم رهبر روحانی شاخه کاتولیک مسیحیت، با نوشتن نامه‌ای به حامد کرزای رئیس جمهوری افغانستان، از او خواست از اجرای حکم اعدام در باره یک شهروند افغانی که از اسلام به مسیحیت گرویده است، جلوگیری کند. جرج بوش رئیس جمهوری آمریکا و شماری دیگر از رهبران کشورهای غربی نیز نگرانی خود را از حکم دادگاه در باره عبدالرحمن شهروند افغانی ابرازکردند. یک دادگاه در افغانستان با استناد به قانون اساسی این کشور عبدالرحمن را به دلیل گرویدن به مسیحیت به مجازات مرگ محکوم کرده است. در این میان فشار بین‌المللی بر دولت افغانستان برای آزادی عبدالرحمن از زندان ادامه دارد.
