مقام‌های تاجیکستان می‌گویند درباره ادعای یک مقام افغان که گفته ادوات نظامی طالبان برای تعمیر به تاجیکستان برده می‌شود، تحقیق می‌کنند. سخنگوی پلیس مرزی تاجیکستان اگرچه گفته درباره جزییات این ادعا اطلاع ندارد اما آن را بی اساس خوانده است.
در ماه گذشته میلادی فرماندار پیشین ولایت قندوز در افغانستان گفته بود خودروها و ادوات نظامی شبه نظامیان طالبان برای تعمیر توسط مهندسان روس به تاجیکستان فرستاده می شوند. این مقام پیشین افغان افزوده بود همکاری دو طرف بیش از دو سال است که ادامه دارد.
حدود هفت‌هزار سرباز روس در تاجیکستان مستقر هستند. در ماه‌های اخیر مقام‌های افغان درباره آنچه کمک روسیه به طالبان خوانده‌اند، ابراز نگرانی کرده بودند.